Djoko Rahardjo
01 Anane Ana 02 Utaminipun Tiyang Gesang 03 Duh Gusti 04 Lembah Cilember Cisarua Bogor
***************************************************************************************************************************
Ananè ana iku
Saka kang ora ana
Trep patrapè kaagem
Tinarbuka intinè
Sumrambah marang titah
Kagem karahayuan
Lan kasantosaning tyas
Jakarta, H/11/11/1992
Utaminipun tiyang gesang
Kedah mangertosi wanci
Titi wanci, swasana, zaman
Isang sarwa, sumadya mawi
Wates ingkang tipis lan samar
Saking peteng dateng pajar
Saking sisah dateng sentosaning rahayu
Sesampunipun mangertosi keindahaning darma
Waged langkung dewasa ginugahing raos
Tumungkul datang Gusti
Lan waged Ngantunggalaken dateng swasaning alam
Linangkung malih waged Nyumantaaken dateng kawicaksanaan Gung
Ugi nglereb raos harda dados kaweningan kang ginurit
Handadosna kesiapaning diri hamundi karsa Gung
Titi lampahing Raos kang wus miyos dewasa
Hanjalari miyosè cakraming diri
Kang katon cumlorot tumapakè ing kaindahaning lampah
Trep mantep Nyrambahi dating pamong mitra tuwin Negari
Mijarakè ugo hambikakna pra titah dateng pepajar jati
Hanuntun lampah titah dating lampah kautamen
Paring wareging padaran ugi batas sesami
Margi sampun Nyetosi kaendahaning karsa Gung
Tumapak Sarwa pasrah ngandelaken emutipun dateng Gusti
Mboten ngoyoworo ing tindak pangucapipun
Trimah atudung ron klaras lan ateken tebu wulung
Nindakaken kayektènan dating sih Dharma Gung kang tumedak
Kinantènan kawaspadan Nyetitaken lampah dateng patrap lan pakem
Nuli waged Nyumilakaken pedut dateng pajaring lampah
Jakarta, H7/14/11/1992
Duh Gusti …
Sungkem sembah sewu, katur Paduka Gusti …
Nuwun sewu-sewu sembah kawula
Saking raos kang ginolong gilik lan nyawijji, kawula alit
Ginugat ginurit, Nyuwun sih Asihipun Gusti …
Kagem hambikaaken Netra Kumalasarinipun pra pimpinan
Ing Negari, bab pra kawula alt sampun sami ngetos waspada
Mrang panandang kang kapundi, kang Sampun Mawantu-wantu
Kiniring mobah mosiking Bumi dalah isinipun
Jer puniko kinodrat saking sih hing jawata
Kawula hanamung sak asuku jaja ateken jangga
Duh Gusti …
Hanamung Paduka ingkeng ngertos sak ngertosipun kaèndahan jati
Kawula siniwaka, hamundi karsa Gung kang Dumawah,
Ing panyuwun kawula alit katuntuna dateng margi kang yektos
Wageto paring pepajar ing tindak sami …
Nuli wageto ngemot momot ing Bebrayan sami
Mrih rahayu ugi Sentosaning Lempah ing Nagri
Sajak Syair kang tumeko saka prenteling Geter Raos!
Jakarta, 27 November 1992
04 Lembah Cilember Cisarua Bogor
Menawi bade anggayuh tebih kedah mangertosi mulo bukanipun
Ketingal anarwang saking wetan, njeng Panembahan Senopati,
Paring sesuluh saha daya ( mrang bn? saenipun sowan? )
Jumbuhing Cakra mandireng pribadi …
Dadi sumbering rahayu kang kinayungan dening Gusti
Nata kumataning tindak kang tumatan …
Saka jumbuhe … karsa rasa cipta kang tuwuh
Cakra mandireng pribadi
Manawa wus ngancik mangkono, sawisa adamel dalem AGUNG
Salam taklim, rahayu-rahayu, ing pamuji sami!
Kintunan saking Tebet Barat Dalam IIF / 23.