Eddy Haryanto
01 Seuweu Siwi Siliwangi
***************************************************************************************************************************
Kuring seuweu Siliwangi
Rumasa tedak Pasundan
Hirup nyandang kawajiban
Karya nyata pangwangunan
Seuweu siwi Siliwangi
Seuja bakti ka sasama
Dadasarna Pancasila
Jeung UUD opat lima
Para kanca generasi muda
Hayu singkil pikeun jurit
Hirup ulah kuma kuring
Sing emut wangsit karuhun
Kuring tedak ti Pasundan
Singkil jurit taya pamrih
Pikeun ngeusi kamardikan
Dina widang pangwangunan
Seuweu siwi Siliwangi
Moal bakal jalir jangji
Gilig ati tandon nyawa
Ngabela nusa jeung bangsa
Para kanca generasi muda
Kudu era kudu mikir
Hirup ulah mangpang mengpeung
Sing emut purwadaksina
Caringin, Bogor, Tanpa Tanggal, 1986