Engkas Kasmawinata
01 AMS Teh Imah Kuring 02 Sumerah Di Bumi Kawastu
***************************************************************************************************************************
Imah teh pangiuhan diri
Tina nereptepna panon poe
Tina gebretna cihujan
AMS teh imah kuring
Tempat ngeusi tali batin
Ngabina kakulawargaan
AMS teh imah kuring
Tempat pangiuhan hate
Tempat nyarande mun lunges
AMS teh imah kuring
Tempat pangauban jiwa
Pangiuhan pangimpungan
Panginditan pangbalikan
Simpay sutra pamengkeut asih
AMS teh imah kuring, sorga kuring
Caringin, 15 Oktober 2001
Sakuriling bungking jempling, simpe
Dewi Ratih rintih ngalirik bumi
Nyawang buana, nyiram alam ku cahya gumebyar
Jauh………..ngaruggunuk gunung pangranggo
Siga anu keur ngadago
Remen-remen diharudum kekeben halimun
Angin ngahiliwir ngagasir kakayon
Arusik lir anu keur dzikir
Sakedapan narawang mangsa katukang
Hate bet nalangsa kawas beunang kuwiyasa
Leng huleng ngaraga meneng
Asa jauh panineungan
Didieu pernah ngadek Bumi Kawastu
Ngaran anjeun keur kuring papaes hate
Nyangkaruk na jero kalbu
Kuring seja saestu
Nyungkruk laku tapak deku Sang Prabu
Turunkeuneun ka anak incu
Duh Gusti nu murbeng alam
Abdi nyuuh sujud ka Gusti
Naglungsar megat rembesan rahmat
Ngabangingik nganti-nganti pangasih
Mendeko ngantos-ngantos ridho azali
Sila neda pangampura
Cinagara, 25 Pebruari 2002
[Soneta Indonesia] – [Puisi Parakanca]